19.07.2013 17:55

Vopnafjörður 1958

1958 var mikið um að vera á Vopnafirði. Síldarverksmiðjan á Dagverðareyri við Eyjafjörð var rifin þar og flutt til staðarins. Þessir flutningar hafa sennilega kostað "blóð,svita og tár" Skipið sem flutti allavega megnið af"góssinu"hét Hvassafell og var nr 2 með því nafni hjá Samvinnumönnum

Hvassafell II

© söhistoriska museum se

Síðan hefur eignast nýjan velunnara Aðalstein Halldórsson sem sendi mér þessar myndir af losun verksmiðjunnar á Vopnafirði. Kann ég Aðalsteini mikla þökk fyrir lánið á myndunum Aðalsteinn hefur sent mér fleiri skemmtilegar myndir og munu þær "síast inn" svona smásaman

Svo kom Esjan. Ekki var nú bryggjuplássinu fyrir að fara á þessum tíma. Svo Esja lagðist bara utan á Hvassafell og var afgreidd þannig.

©Aðalsteinn Halldórsson

Allt hafðist það. Þetta var á þeim árum sem "handaflið og hugvitið" var mikið notað. Margföldun víra og kraftalíur voru notað til viðbótar því að ógleymdum jarðvinnsluvélum þess tíma

©Aðalsteinn Halldórsson